Антиқа рекорд: олмос билан безатилган лаблар (фото+видео)

Дунёдаги энг қимматбаҳо лаб макияжи Гиннесс рекордлар Китобига киритилди.

Австралиядаги заргарлик компаниясининг 50 йиллиги муносабати билан визажист Клэр Мак макияж дизайнини ишлаб чиқди ва 126 та олмос тошни модельнинг лабларига ёпиштириб чиқди. Жами олмос тошларнинг оғирлиги 23 карат эди.

Дунёдаги энг қиммат лаб макияжини яратиш учун икки ярим соатдан кўпроқ вақт талаб этилди.Макияжнинг нархи қарийб 550 минг АҚШ долларни ташкил этди.

Тақдимотда, олмослар хавфсизлигини таъминлаш мақсадида полиция ходими ҳам иштирок этди.