Ангела Меркель расман канцлерликдан олинди
Кеча, 26 октябрдан эътиборан Ангела Маркель расман канцлерликдан олинди. Янги Бундестагнинг таъсис йиғилишида Германия федерал канцлери сифатида Меркелнинг ваколатлари расман якунига етди, аммо янги ҳукумат иш бошлагунига қадар у ўз вазифаларини бажаришда давом этади.
Бундестагнинг таъсис йиғилиши 20-чи чақириғида федерал президент Франк-Вальтер Штайнмайер унга ва унинг кабинети аъзоларига ваколатлари якунига етгани ҳақидаги расмий ёрлиқни топширди. Шу билан бирга, Германиянинг Бош қонуни 69-моддасига биноан Штайнмайер Меркелни янги ҳукумат ўз ишини бошлагунига қадар канцлер вазифасини бажаришни сўради.
Ангела Меркел 2005 йилдан бери Германия Федератив Республикаси ҳукуматини бошқариб келмоқда эди. 2018 йил октябрда у 2021 йилда Бундестаг сайловларида номзодини қўймаслигини эълон қилганди. Унинг ўрнига янги канслер сифатида Германия Социал-демократик партияси раҳбари бўлмиш Олаф Шольц келиши кутилмоқда. Жорий йилнинг 26 сентябрида ўтказилган сайловларда Шольцнинг партияси 25,7 фоиз овоз олганди.
