Андижондан 10 нафар фуқаро “ЮжУралЗолота” компаниясига ишлаш учун кетди

Ташқи меҳнат миграцияси агентлиги ва хорижий давлатлар иш берувчилари ўртасида пандемия даврида Ўзбекистон фуқароларини иш билан таъминлаш мақсадида олиб борилган музокаралар натижасида турли давлатларда кўплаб бўш иш ўринлари таклиф этилиб, уларга юртдошларимизни ишга жалб қилиш бўйича келишувга эришилган эди.

Агентликнинг Андижон вилояти филиали ҳамда Россия Федерациясининг “Учебный центр профессионального развития” ўртасида имзоланган шартномага асосан Челябинск шаҳридаги “ЮжУралЗолота” компаниясига Андижон вилоятидан 10 нафар фуқаро вақтинчалик меҳнат фаолиятини амалга ошириш учун жўнаб кетди.