Андижондаги кийим-кечак бозорида ёнғин содир бўлди

Андижондаги кийим-кечак бозорида ёнғин содир бўлди

Жорий йилнинг 10 ноябрь куни Андижон вилояти Асака тумани "Комолот" маҳалласида жойлашган кийим-кечак бозорида ёнғин содир бўлди. Ёнғин соат 00:42 да бошланган. Воқеа содир бўлган жойга зудлик билан ФВВ вилоят бошқармасининг 3 та ёнғин-қутқарув экипажи етиб келди, улар ёнғинни 40 дақиқа ичида тўлиқ ўчиришди. Ёнғиндан буюм бозорининг 80 м.кв. майдони ёниб зараланган.

Ёнғин натижасида буюм бозорида жойлашган 4 та дўконга қисман зарар етган. ФВВ қутқарувчиларининг тезкор ҳаракатлари натижасида буюм бозорининг 3000 м.кв. майдони ёнғиндан сақланиб қолинган. Ёнғиннинг сабаби ва етказилган зарар миқдори мутахассислар томонидан аниқланмоқда. Ёнғиндан тан жароҳати олганлар ва ҳалок бўлганлар йўқ.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!