Андижонда аёл ва унинг жияни ўлдириб кетилди

Андижонда аёл ва унинг жияни ўлик ҳолда топилди. Бу ҳақда Бош прокуратура матбуот хизмати раҳбари Ҳаёт Шамсутдинов Aniq.uz'га хабар берди.

Манбага кўра, жорий йилнинг 25 январь куни соат 15:40 атрофида Андижон вилояти Хўжаобод тумани, “Мустақилликнинг 27 йиллиги” маҳалласи, “Обод” кўчаси, 1-уйнинг ҳовлисида, 1960 йилда туғилган К.А. ва 2005 йилда туғилган унинг жияни С.К.нинг мурдалари қотиллик аломатлари билан топилган.

Вилоят прокуратураси томонидан ҳолат юзасидан ЖКнинг 97-моддаси 2-қисми “а” банди билан жиноят иши қўзғатилиб, ҳозирда малакали ходимлардан иборат тезкор-тергов гуруҳи тузилиб, жиноятни фош этиш чоралари кўрилмоқда.