Андижонда $6 минг эвазига Кореяга ишга юборишни ваъда қилган шахс ушланди
Бу Бош прокуратура ҳузуридаги Иқтисодий жиноятларга қарши курашиш департаменти ҳамда ДХХнинг Андижон вилоят бошқармалари томонидан ўтказилган тезкор тадбирда аниқланган.
Хабарда айтилишича, фуқаро Ш. Н. бошқа бир фуқарога ўзини меҳнат миграцияси собиқ ходими сифатида таништириб, уни Корея Республикасига 5 ой муддатга ишга юбориши эвазига 6 000 АҚШ доллари талаб қилган. Ушбу пуллардан 1 000 долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, ҳозирда тергов ҳаракатлари ўтказилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
