Ана холос! Турк клуби футболчиларни сотиб юбориб, ўрнига эчкилар сотиб олди (фото)
Туркиянинг «Гулспор» клуби ёшлар таркибидаги 18 нафар футболчини сотиб юборди ва олинган пулларга 10 бош эчки сотиб олди. Бу ҳақда Tribune Dergi Twitter-аккаунтида хабар қилинади.
Манба маълумотига кўра, жамоа раҳбарияти сут сотишдан тахминан беш минг турк лираси (727,8 евро) олишни режалаштирмоқда. Таъкидланишича, барча маблағлар клубнинг биринчи навбатдаги эҳтиёжларига йўналтирилади.
«Гулспор» президенти Кенан Буклебебнинг CNN’га берган интервьюсида маълум қилишича, бу ҳолатда жамоанинг манфаатларини кўзлаган. «Бизда кўпроқ даромад бўлади. Биз жамоанинг манфаатлари йўлида ҳаракат қилдик, шунингдек, мамлакатимиз ишлаб чиқаришига ҳисса қўшдик», - дея қайд этиб ўтди у.
18 футболчи клубнинг бюджетига 15 минг лира (тахминан 2,2 минг эвро) олиб келди. «Гулспор» Туркиянинг қуйи дивизионларида ўйнайди.
Manba: tribuna.uz
