Ана холос! Президентнинг вафотига ноёб вирус сабаб бўлган экан

Жума куни 62 ёшида вафот этган Вьетнам президенти Чан Дай Куангнинг ноёб вирусли касалликка йўлиққанлиги маълум бўлди. Бу ҳақда “VnExpress” ахборот агентлиги Вьетнамнинг махсус тиббий маъмурияти раҳбари Нгуен Куок Чиеунинг сўзларига асосланиб хабар қилди.

Унга сўзларига кўра, бу вирусга қарши дори йўқ. Чан Дай Куангдаги ушбу касаллик 2017 йил июлда аниқланган. Ўшандан бери у Японияда ва уйида даволанган.

“Япониялик мутахассислар ва шифокорлар президентни бир йилга яқин даволашди, аммо касалликни тўлиқ даволаш учун дори йўқлиги сабаб жараённи фақат секинлаштириш мумкин эди, холос", дейди Куок Чиеу.