Ана холос! Музқаймоқ ейишга чиққан ота ўғлини йўқотиб қўйди

Благовещенскда яшовчи эркак кечқурун соат учда музқаймоқ ейишга чиқиб, ўғлини йўқотиб қўйди. Бу ҳақда "Амур.инфо" нашри хабар тарқатди. Болакайнинг холаси ўша вақтда эркак маст бўлганини айтмоқда.

— Онаси кеча ўғлини отаси билан уйда қолдириб, кетганди. Тушунишимча, отаси маст бўлган. Бугун эрталаб онаси қайтса, бола йўқ. Отанинг айтишича, у кечқурун ўғли билан магазинга музқаймоқ егани чиққан. Музқаймоқ харид қилиб, уйга қайтаётганда эса ўғлини йўқотиб қўйган, — дейди аёл.

Кейинчалик йўқолган боланинг сурати ижтимоий тармоқларга жойланган. Натижада болакай уч квартал наридан топилган.

Хабарларга қараганда, айни дамда боланинг аҳволи яхши. У ҳозир полицияда. Вазият ўрганилмоқда.