Ана холос! Коронавирусга қарши курашнинг янгича ва ўзгача усули топилди

Ана холос! Коронавирусга қарши курашнинг янгича ва ўзгача усули топилди

Перу президенти Мартин Вискарра мамлакатда коронавирус тарқалишига қарши курашиш учун жорий қилинган янги чекловларни эълон қилди. У бу ҳақда 2 апрель куни RPP радиостанциялари томонидан узатилган матбуот анжуманида очиқлади.

"Душанба, чоршанба ва жума кунлари фақат эркаклар, сешанба, пайшанба ва шанба кунлари эса фақат аёлларгина кўчага чиқишлари мумкин. Ушбу чекловлар 12 апрелга қадар амал қилади. Якшанба куни уйни тарк этиш ҳаммага бирдек тақиқланади", деди давлат раҳбари.

Қайд этилишича, ушбу чеклов уйдан чиқишга мажбур бўлган перуликларга таъсир қилади. Фавқулодда вазиятда ишини давом эттираётган корхона ва муассасалар ходимларига эса бунинг алоқаси йўқ.

Сўнгги маълумотларга кўра, Перуда 1,4 мингдан ортиқ одамда коронавирус қайд этилган, 47 бемор вафот этган.

Март ойи ўрталарида мамлакатда чегаралар ёпилишини таъминлайдиган фавқулодда ҳолат, кейинчалик комендантлик соати жорий этилди.

 

 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!