Ана холос! "Гулистон Ёғ-экстракт" корхонаси ишчиларига маош ўрнига узум берилган!

25 декабрь куни Гулистон Ёғ-экстракт корхонаси ишчилари иш ҳақи ҳисобидан ҳар бири 10 кгдан бўлган бир яшикдан узум тарқатилди.

Uz24.uz нинг ёзишича, фейсбукдаги Халқ билан мулоқот/Диалог с народом саҳифасида ҳам Гулистон Ёғ-экстракт корхонасида ишчиларга узум тарқатилгани танқид қилинди.

Гулистон Ёғ-экстракт АЖ томонидан айни пайтда ойлик ҳисобидан тарқатилаётган узум. Катта эҳтимол билан экспортдан қайтган! Ҳар бир ишчига 10 кгдан, нархи 70 минг. 70%и истеъмолга яроқсиз! , дейилади Фейсбукка жойланган постда.

Фейсбукда Гулистон экстракт -Ёғ корхонаси ишчиларига берилган узумлар суратлари ҳам эълон қилинди.

Улардан бирида, яшикнинг пастки қисмидаги узумлар яроқсиз ҳолга келиб қолгани кўринади.

Бу ҳақда ҳозирча расмий маълумот берилгани йўқ.