Ана холос! Британияда жодугарлар қамоқхонаси сотувга қўйилди
Буюк Британияда ўрта асрларда жодугар аёллар учун қамоқхона вазифасини ўтаган бино сотувга қўйилди.
Илгари бу бино бошқа ном билан аталиб келинган экан. Халқ орасида “Қафас”, дея номланган бино одатий ва қулай уйга ўхшайди.
Маълум бўлишича, бино учинчи марта сотувга қўйилган бўлиб, уй эгаси Ванесса Митчелл уйнинг эндиликда сотилиши мумкинлигига шубҳа билан қарамоқда.
Ванессанинг ўзи бу уйда яшамайди. Таъкидлашича, у бу уйни 2004 йилда, "сирли қонли доғлар" ва ёвуз руҳларнинг "ҳужумига" дуч келганидан сўнг тарк этган.
Риелторлар харидорларга бу уйни эски қамоқхона ҳамда Англияда энг машҳур ва кўплаб меҳмонларга мезбон бўлаётган маскан дея таърифлашмоқда.
“Live Science” порталида хабар берилишича, 1921 йилда бу уйнинг боғидан танасига турли темирлар санчилган икки аёлнинг скелети топилган экан.
