Ана холос! Аёлларга иш вақтида кўзойнак тақиш тақиқланмоқда

Ана холос! Аёлларга иш вақтида кўзойнак тақиш тақиқланмоқда

Твиттернинг япониялик фойдаланувчилари иш жойида кўзойнак тақиқланганига ўз муносабатларини билдиришди, деб хабар беради Forbes.ru. Иш берувчилар кўриш қобилиятига паст бўлган ходимлардан Япония жамиятидаги гўзаллик меъёрларига амал қилган ҳолда контакт линзаларини тақишни талаб қилмоқдалар.Бу ҳақда "sof.uz" ёзмоқда.

Ижтимоий тармоқларда ўзбекчага “Кўзойнакларни тақиқлаш” деб таржима қилиниши мумкин бўлган ҳештег Nippon телеканалида иш вақтида кўзойнак ўрнига контакт линза тақиш талаб қилинадиган компания ҳақида лавҳа берилганидан кейин оммалашди.

Айрим япон аёллари ҳештегдан ташқари Твиттерда кўзойнакларининг ёки кўзойнак таққан фотосуратларини эълон қила бошладилар. Bloomberg хабарига кўра, тақиқни қораловчи твитлардан бири 25 мингга яқин реттет йиғди.

Nippon канали лавҳасида иш берувчилар аёлларга ишхонада кўзойнак тақишни тақиқлашларини турлича тушунтириб беришган. Масалан, авиакомпания хавфсизлик юзасидан шундай қилган, косметика компанияси эса кўзойнак туфайли мижозларга компания вакилининг бўянишини кўриш қийин бўлганини айтди. Анъанавий япон таомлари ресторанлари вакиллари кўзойнаклар анъанавий кийим билан ярашмаслиги сабаб шундай қилган бўлса, чакана сотувчилар кўзойнакли ходим ёқимсиз бўлиб туюлади, деб ҳисоблашади.

2019 йил баҳорида япониялик аёллар аллақачон иш жойида бўяниш кийиш талабига қарши норозилик билдиришган эди, деб ёзади Bloomberg. Япония иш берувчиларининг ишлайдиган аёллар учун пойафзалга бўлган талаби янада танқид қилинди.

Январ ойида актриса, модел ва ёзувчи Юми Ишикава кийиниш қоидалари (dress code) япониялик аёлларнинг баланд пошнали пояфзалда офисга боришни талаб қилганидан норози эди. "Агар оёғим оғрийдиган бўлса, нега мен баланд пошнали ишлашга боришим керак", деб ёзди у. Актрисанинг твити 65000 дан ортиқ лайк тўплаган ва деярли 30000 марта ретвит қилинди. Юми Ишикава “кутсу” (туфли) ва “кутсуу” (оғриқ) сўзлари бирлашмасидан #KuToo ҳештегини ясади.

Июн ойида Ишикава Японияда аёлларга иш вақтида паст пошнали оёқ кийим кийишни талаб қилиб Change.org да петицияни ташкиллаштирган эди. Тўрт ой ичида петицияда 31 мингдан ортиқ имзо тўпланган. Шу билан бирга, июн ойида Япониянинг Соғлиқни сақлаш, меҳнат ва аҳолини ижтимоий муҳофаза қилиш вазири Такуми Немото парламент қўмиталаридан бирида бўлиб ўтган эшиттиришда компаниялар иш жойларида аёлларга баланд пошнали кийишни талаб қиладиган кийиниш қоидаларига риоя қилишлари кераклигини айтди. "Ишда баланд пошнали оёқ кийим кийиш зарур ва ўринли", - дея унинг сўзларидан иқтибос келтиради Kyodo News.

Октябр ойида BBC нашри Юми Ишикавани дунёнинг 100 та таъсирга эга аёллари рўйхатига киритди.

Бугунги кунда Ишикаванинг фикрига кўра, кўзойнаклардаги муаммо баланд пошналиларники билан бир хил. "Агар иш жойида кўзойнак тақиш ишдаги ҳақиқий муаммо бўлса, унда барчага - эркак ва аёлга бирдай тақиқланиши керак", дейди у.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!