Ана холос! Аёл иссиқ кунда линза тақиб, кўр бўлиб қолди

Дублинда истиқомат қилувчи Сюзанна Данн контакт линзаларини нотўғри ишлатгани учун кўр бўлиб қолди, дея хабар берди “Dublin Live” газетаси.

Аёл 20 июлдаёқ безовталикни ҳис қила бошлаган. Канадаликнинг айтишича, унинг кўзлари даставвал жуда ачишган, кечқурунга бориб эса қаттиқ оғрий бошлаган. Шунга қарамай, аёл ётишга қарор қилади, лекин кечанинг ярмида уйғониб кетиб, ҳеч қаерни кўрмаётганидан сўнг кўр бўлиб қолганини англайди. Сюзанна дарҳол шифохонага мурожаат қилади ва у ерда икки ҳафтадан ортиқ вақт даволанади.

Аёлга кўз томирларининг яллиғланиши ташхиси қўйилган, бу эса “Acanthamoeba” паразитларининг линзалар остида пайдо бўлишига олиб келган. Шифокорлар ҳозирда кузатилаётган иссиқ об-ҳаво паразитнинг пайдо бўлиши қулай шарт-шароитлар яратганлигини аниқлашди.