Америкаликларга Ироқни тарк этишга кўрсатма берилди
АҚШ давлат департаменти оператив ишларда ишламайдиган барча америкалик давлат хизматчиларининг Ироқни тарк этишига кўрсатма берди. Бу ҳақда АҚШнинг Ироқдаги элчихонаси маълум қилди.
Хусусан, Бағдоддаги элчихона ва Эрбилдаги консуллик ходимлари ҳам Ироқни тарк этади. Виза хизматлари эса вақтинчалик тўхтатилади.
Аввалроқ АҚШ Қуроли кучлари бош қўмондонлиги Эрон томонидан эҳтимолий таҳдид ортгани муносабати билан Ироқ ва Сурияда тревога даражасини оширган эди.
Эслатиб ўтамиз, охирги кунларда АҚШ ва Эрон ўртасидаги таранглик кучайиб бормоқда. Куни кеча АҚШ Эронга қаршилик кўрсатиш мақсадида Яқин Шарққа 120 минг аскар жўнатиши ҳақида хабар тарқалди, бироқ президент Дональд Трамп бу маълумот ҳақиқатга тўғри келмаслигини билдирди.
Manba: azon. uz
Матнда хатолик топсангиз, ўша хатони белгилаб, бизга жўнатинг (Ctrl + Enter).
