Америка Конституциясининг биринчи нусхаси аукционга қўйилди
13 та Америка штатлари конфедерацияси давридаги француз тилидаги Америка конституциясининг биринчи нусхаси 27 апрель куни Руминиянинг Артмарк ким ошди савдосида сотувга қўйилади. Ким ошди савдосида ушбу конституциянинг бошланғич нархи коллекционерлар ва библиофиллар учун 1,5 минг еврони ташкил этиши айтилди.
АҚШ Конституцияси 1787 йил 17 сентябрда Филаделфиядаги Конституциявий конвенцияда қабул қилинган ва кейинчалик Американинг ўн учта штати томонидан ратификация қилинган. У етти моддадан иборат бўлиб, кейинчалик унга қўшимча киритилган.
XVIII асрда Герцог Луи Александр де Ла Рочефоуcаулд «Американинг ўн учта Қўшма Штатлари Конституциясини» Бенжамин Франклин учун француз тилига таржима қилган. Конституциянинг французча шакли 1783 йилда 600 нусхада нашр этилган.
Артмарк аукцион уйи 2008 йилда Руминияда очилган. У санъат асарларини сотиш ва Руминия санъатини тарғиб қилиш билан шуғулланади. Аукцион уйида юзлаб ким ошди савдоси, шу жумладан халқаро савдолар бўлиб ўтди.
