“Amazon” сотувчисиз ишлайдиган 3 минг дўкон очишни режалаштирмоқда

“Bloomberg” хабарига кўра, “Amazon” уч йил ичида сотувчи ва кассирларсиз ишлайдиган уч мингта дўкон очишни режалаштирмоқда.

Январь ойида Сиэтлда биринчи тўлиқ автоматлаштирилган супермаркет очилганди — бу шаҳарда “Amazon”нинг бош қароргоҳи жойлашган. Кейинчалик компания яна иккита дўкон очди.

Дўконга кириш учун харидор смартфонга махсус иловани ўрнатиши керак. Харидор керакли маҳсулотларни жавонлардан олади ва тизим уларни виртуал ҳисоблаш мосламасига киритади. Харидни бекор қилиш учун эса товарни олган жойга қўйиш кифоя. Харидлар бажарилгандан сўнг пул харидорнинг ҳисобидан ечиб олинади.