Amazon Майамидаги самолёт ҳалокатидан сўнг юк ташувчи компания билан ҳамкорликни тўхтатди

Amazon юк ташувчи 21 Air компаниясини Флорида штатидаги Майами халқаро аэропортида беш кишининг ҳаётига зомин бўлган самолёт ҳалокатидан кейин ҳамкорликни тўхтатиш тўғрисидаги қарори ҳақида хабардор қилди.

Бу ҳақда Amazon вакили Келли Нантел эълон қилди.

"Хавфсизлик ҳар доим бизнинг асосий устувор вазифамиз бўлиб келган - ҳам ўз фаолиятимизда, ҳам шерикларимиз билан. Биз терговни ва барча жабрланганларни қўллаб-қувватлашда давом этамиз", деди Нантел.

Таъкидланишича, 21 Air логистика магнати ва бейсбол жамоаси эгаси Жим Крейнга тегишли. Amazonдан ташқари, унинг компанияси DHL Expressга ҳам хизмат кўрсатади.