Алишер Усмонов Мюнхеннинг «Бавария»сига маблағ тикишга тайёр

Алишер Усмонов Мюнхеннинг «Бавария»сига маблағ тикишга тайёр

Лондоннинг «Арсенал» клуби капиталидаги 30 фоизлик улушини сотган россиялик бизнесмен Алишер Усмонов дарҳол бошқа кўплаб футбол клубларига пул тикиш борасида таклифлар олди. Бу ҳақда "daryo.uz" хабар берди.

Миллиардернинг сўзларига кўра, гап унга клуб бошқарувига таъсир ўтказиш имконини берувчи келишув ҳақида кетмоқда ва у барча вариантларни кўриб чиқмоқда.

Хусусан, Усмонов инвестицияларини Ливерпулнинг «Эвертон» клубида кенгайтириш эҳтимолини яширмаяпти. Клубнинг энг йирик акционери эронлик бизнесмен Фарҳод Моширий ҳисобланади.

Бироқ Усмоновнинг футбол соҳасидаги манфаатлари фақат Англия билан чегараланмайди. Унинг сўзларига кўра, у Мюнхеннинг «Бавария», Италиянинг «Рома» ва «Милан» жамоалари ишларига қизиқмоқда.

Financial Times экспертларининг ҳисоб-китобига кўра, «Арсенал»нинг йирик акционери Стен Кронкега сотилган клубнинг 30 фоизлик акцияси учун Усмонов 550 миллион евро олган.

Усмонов «Арсенал»нинг эгаларидан бирига айланган 2007 йилдан буён унинг акциялар пакети қиймати тўрт баравардан кўпроққа ошган.

 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!