Александр Усик Илон Маскка совға юборди
Супероғир вазн тоифасида янги жаҳон чемпиони Александр Усик миллиардер Илон Маскка совға жўнатди.
Украиналик боксчи Энтони Жошуага қарши кечган жангдан кейин ўзининг NFT-токен ҳамда рингга чиқиб келадиган JAXET костюмини Илон Маскка совға қилган.
"Қўллаб-қувватлаб турганинглар учун раҳмат! Илон Маскка ҳурматимни изҳор қилиб, раҳмат айтиш учун ажойиб оқшом. Мен унга шахсий NFT токеним ва махсус тайёрланган JAXET костюмимни совға қиламан. Илон, сени чемпион чорламоқда", – дея "Твиттер" саҳифасида хабар қолдирган Усик.
Эътиборлиси, Жошуа жангда Усикка қараганда кўпроқ зарба йўллаган - 641-529! Лекин аниқ зарбалар сони украиналикда кўпроқ бўлди - 148-123!
Матнда хатолик топсангиз, ўша хатони белгилаб, бизга жўнатинг (Ctrl + Enter).