Актёр тўртинчи турмуши билан тўйидан тўрт кун ўтиб ажрашишга қарор қилди

Тўйхона / Биласизми?
A A A
Актёр тўртинчи турмуши билан тўйидан тўрт кун ўтиб ажрашишга қарор қилди

Актёр Николас Кейж тўйидан тўрт кун ўтиб никоҳни бекор қилиш ҳақида ариза берди. Бу ҳақда Lenta.ru хабар берди. Ўтган шанба, 23 март куни актёр ўз маҳбубаси визажист Эрика Койке билан турмуш қурган эди. Жуфтлик Лас-Вегасда никоҳдан ўтган.

Актёр ўзининг бу қарорини изоҳлашни истамаган, фақат никоҳ ҳужжатининг бекор қилинишини сўраган. Агар бундай қилишнинг имкони бўлмаса, у тўлақонли ажрашиш жараёнини бошлашга ҳам тайёр.

Маълум қилинишича, жуфтлик 2018 йилда учрашишни бошлаган. Койке Кейжнинг тўртинчи турмуши ҳисобланади. 1995 йилда у хонанда Патрисия Аркеттга оила қуришни таклиф қилган ва улар олти йил оила бўлиб яшашган. Актёрнинг иккинчи рафиқаси Элвис Преслининг қизи Лиза Мария бўлиб, улар тўйларидан 109 кун ўтиб ажрашиб кетишган. Ундан сўнг Кейж актриса Элис Ким билан энг узоқ йиллик - 12 йиллик оилавий ҳаёт қурди. Улар 2016 йилда ажралишди. Жуфтликнинг Кал Эл исмли ўғли ҳам бор.

Киритилди: 21:23 29.03.2019. Ўқилди: 3502 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!