Ажабо! Сайёҳлар Тож Маҳалга боришдан чўчишяпти?!

Сайёҳлар Тож Маҳалга белгиланган экскурсияларини оммавий равишда бекор қилишмоқда. Бунга сабаб сифатида мамлакатда фуқаролик тўғрисидаги қонунга ўзгартириш киритилганидан сўнг келиб чиққан тартибсизликлар кўрсатилмоқда, деб ёзади «Asia Times».

«2019 йилнинг декабрида келувчилар сони 60 фоизга қисқарди. Бу ҳудуд қанчалик хавфсизлигини сўраб бизга кўп қўнғироқлар бўлади. Биз хавфсизликни таъминлашни кафолатлаймиз, шунга қарамасдан, аксарият сайёҳлар бу ердан узоқроқ юришни маъқул топмоқда», — деди сайёҳлик полицияси инспектори Динеш Кумар.

Расмий маълумотларга кўра, сўнгги икки ҳафтада тахминан 200 минг киши Тож Маҳалга келишни бекор қилган ёки бошқа пайтга қолдирган.