Airbus Air India компаниясига самолёт етказиб беради

Европанинг Airbus самолёт ишлаб чиқарувчиси Ҳиндистоннинг Air India авиаташувчисига 235 дона А320 самолётини етказиб бериш учун буюртма олди. Бу ҳақда Reuters агентлиги хабар берди.

Хабарга кўра, самолётларни етказиб бериш бўйича шартнома 27 январь куни имзоланади.

Air India ширкатининг эгаси бўлган Ҳиндистоннинг Tata Group трансмиллий компанияси Airbus ва Американинг Boeing компаниялари билан жами 425 та самолёт сотиб олиш бўйича музокаралар олиб бормоқда. Шартномаларда Европа самолёт ишлаб чиқарувчиси томонидан ишлаб чиқарилган 235 та А320 ва 190 та Boeing 737 Max самолётларини харид қилиш кўзда тутилган.

Иккинчисига Хитой авиаташувчилари учун мўлжалланган, аммо кўрсатилган моделнинг ишлаши узоқ вақт давомида тўхтатилганлиги ва АҚШ ва Хитой ўртасидаги савдо кескинлигининг кучайиши сабабли уларга етказиб берилмаган 50 та самолёт киритилган.