Агар Месси "Барселона"га қайтмоқчи бўлса, клуб унга бир нечта шартларни қўяди

Агар Месси "Барселона"га қайтмоқчи бўлса, клуб унга бир нечта шартларни қўяди

"Барселона" агар Лео Месси жамоага қайтишни истаса, унга баъзи шартларни қўяди.

Каталонияликлар аргентиналик ҳужумчини 2023 йилнинг ёзида, унинг "ПСЖ" билан шартномаси тугайдиган вақтда ўз сафига қўшиб олмоқчи.

"Барселона" президенти Жоан Лапорта ва бош мураббийи Хавининг фикрича, Месси бир неча шартларга рози бўлсагина футболчи сифатида клубга қайтиши мумкин. Биринчидан, Лео маошини сезиларли даражада камайтириши керак, иккинчидан, майдонда Хави кўраётган ролни ўйнашга рози бўлиши керак, деб ёзмоқда Mundo Deportivo.

Балки Месси қайтганида "Барселона"нинг асосий ўйинчиларидан бири мақомини олмаслиги мумкин. Клуб Лео ҳужумчи ортида ўйнаб, Педри ёки Гави ривожланишига халақит беришини истамайди.

"Барселона" Мессининг қайтиши клубга маркетинг масалаларида катта фойда келтиришига ишонмоқда. Хусусан, “Барселона”нинг ўртоқлик ўйинлари ва мавсумолди турларидаги жозибадорлиги ортади. Қолаверса, клуб мухлислар Леони қайтаришдан хурсанд бўлишларига ишонмоқда.

Каталония клуби Мессини қайси позицияда қўллаш мумкинлигини тушуниш учун таҳлил ўтказади. "Барселона"да Роберт Левандовски борлиги сабабли аргентиналик футболчи "сохта тўққизлик" позициясида ўйнай олмайди.

Ўнг қанотда Лео учун қулай бўлиши даргумон, чунки бу позицияда ҳаракат қилиб, у марказга ўтишни яхши кўради. Мураббийлар штаби агар Месси шу қанотда ўйнаса, "Барселона" кучли ўнг қанот ҳимоячисини сотиб олиш керак деб ҳисоблайди.

35 ёшли ҳужумчи жорий мавсумда "ПСЖ" сафида 11 ўйинда 6 та гол урди ва 8 та голли узатмани амалга оширди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!