Афсус! Коронавирус сабаб отасидан айрилган боксчи яна бир жудоликка учради. У ҳам коронавирусга чалинганди

WBО йўналиши бўйича енгил вазн тоифасида Жаҳон чемпиони номига собиқ давогар Энтони Ярд оиласидаги иккинчи фожиа ҳақида хабар берди. Инстаграмдаги саҳифасига боксчи бувиси ҳам коронавирусдан вафот этгани ҳақидаги ёзувни жойлаштирди.

“Бу вирус туфайли бувимни йўқотдик. Отам ва бувим бир неча кунлик фарқ билан вафот этишди. Ҳаммаси жиддий! Рухсат берилмаган бўлса ҳам одамлар ташқарига чиқишга давом этишмоқда. Мен Cовид-19 ҳақида кўплаб фикрлар борлигини биламан, аммо шуни билингки, фикрлар сизнинг ҳаётингиз ва бошқаларнинг ҳаётини хавф остига қўйишга лойиқ эмас. Фақат уйда қолинг” - деб ёзган боксчи.