Афғонистонда Қўштепа канали қурилиши якунланиш арафасида

Афғонистон Миллий тараққиёт корпорацияси маълумотларига кўра, иккинчи босқичдаги ер қазиш ишлари 98 %, қирғоқларни мустаҳкамлаш ишлари эса 90,5 % бажарилган.

Афғонистон саноат ва савдо вазири Нуриддин Азизий лойиҳа якуний босқичга етганини ва яқин вақт ичида ишга тушиши кутилaётганини билдирди.

Каналнинг асосий мақсади — Амударё сувидан фойдаланиб, Афғонистон шимолидаги 500 минг гектардан ортиқ қуруқ ва ўзлаштирилмаган ерларни суғориш.
Қўштепа каналининг узунлиги 281 километр, кенглиги 100 метр, чуқурлиги эса 8 метрни ташкил этади.

Лойиҳанинг якунланиши Ўзбекистон ва Марказий Осиёнинг бошқа давлатлари учун ҳам муҳим. Чунки каналнинг тўлиқ қувватда ишлаши Амударё сув оқими ва трансчегаравий сув тақсимотига таъсир қилиши мумкин.