Абэнинг Россия билан тинчлик шартномасини тузишга нима халақит берганлигини маълум қилди

Япония собиқ бош вазири Синдзо Абэ Токио ва Москва 2018 йилда тинчлик шартномасига жуда яқин бўлганлигини маълум қилди, деб ёзади “Nikkei” газетаси.

Собиқ бош вазирнинг таъкидлашича, Россия президенти Владимир Путин 2016 йил декабрь ойидаги Японияга ташрифи чоғида ушбу масалани зудлик билан ҳал қилмоқчи бўлган. Битимни тузилишига "энг яқин" бўлган пайт эса икки мамлакат раҳбарларининг 2018 йил ноябрь ойида Сингапурда бўлиб ўтган учрашувига тўғри келган.

Бироқ, Абэнинг сўзларига кўра, бунга Россия ва АҚШ ўртасидаги қарама-қаршиликнинг кучайиши тўсқинлик қилган.

“Россия-Америка муносабатларининг кескинлашишига эса Россиянинг Қрим билан бирлашиши таъсир кўрсатди”, деб ҳисобламоқда собиқ бош вазир.