74 ёшли футболчи тарихдаги энг кекса ўйинчига айланди

Мисрлик Эзельдин Баҳадер 74 ёшида ўзининг иккинчи тўлиқ учрашувини ўтказиб, Гиннеснинг рекордлар китобига кирди.

“Reuters” хабарига кўра, у тарихдаги энг кекса профессионал футболчига айланган.

Таъкидланишича, рекорд ўрнатилганидан сўнг Баҳадер билан шартнома бекор қилинган.

"Умид қиламанки, қачондир ўз ютуқларимни янада яхшилайман, шунда бошқаларнинг уни мағлуб этишлари бироз қийинлашади", - дейди мисрлик.

Маълумот ўрнида, Баҳадердан олдин 73 ёшли исроиллик Исаак Хайик энг кекса профессионал футболчи ҳисобланган.