72 ёшли эркак покемонларни тутиш учун 64 та смартфондан ўзига хос конструкция ясади

Қарияни 2018 йилдан бери — Pokemon Go машҳурликка эришган вақтидан буён кўпчилик яхши танийди. Ўша вақтда Чен Сан-Юань велосипедига 6 та смартфонни ўрнатиб олганди, икки йил ичида у конструкцияни такомиллаштириб, қурилмалар сонини 9 баробарга оширган.

Нафақахўр биринчи бор Pokemon Go ўйинини кўрганидан буён унинг мухлисига айланган. У ҳафтасига 5-6 кун, кунига эса 20 соатлаб вақтини ўйинга сарфлайди. Бунча вақтда ўйнаш учун у бир неча смартфондан ўзига хос конструкция яратиш йўлини ўйлаб топган — смартфонларнинг барчаси ташқи аккумуляторга уланган ва улар бир вақтнинг ўзида қувватланади. Агарда бирорта смартфоннинг қуввати тугаса, ўйинни бошқа қурилма орқали давом эттириш мумкин.