3 мартдан Spark, Nexia, Cobalt ва Lacetti хариди учун шартнома тузиш мумкин бўлади

Ўзбекистонда 3 мартдан бошлаб Spark, Nexia, Cobalt ва Lacetti автомобилларини харид қилиш учун шартнома бериш жараёни қайта тикланади. Бу ҳақда Aсакадаги автозаводга уюштирилган пресс-тур давомида UzAuto Motors масъуллари маълум қилди.

Spark, Nexia, Cobalt ва Lacetti автомобилларини харид қилиш шартномалар бериш вақтинча тўхтатилгани февраль ойи бошида маълум бўлган эди. Бунга UzAuto Motors дилерлари шартномалар ва автомобилларни етказиб бериш бўйича янги бошқарув тизимига ўтаётгани сабаб қилиб кўрсатилган эди.