29 994 та юк транспорти эгалари лицензиясиз фаолият кўрсатаётгани аниқланди

29 994 та юк транспорти эгалари лицензиясиз фаолият кўрсатаётгани аниқланди

ТОШКЕНТ (Turon24) – Техник жиҳатдан соз бўлган 29 994 та юк транспорти эгалари давлат рўйхатидан ўтмасдан лицензиясиз фаолият кўрсатаётгани аниқланди. Бу ҳақда Бош прокуратуранинг жамоатчилик билан алоқалар ва оммавий ахборот воситалари билан ишлаш бўлими хабар берди.

Хабарга кўра, Бош прокуратура томонидан юк ташувчи транспорт воситалари эгаларининг фаолияти қонунийлиги тегишли идоралардан маълумотлар олиниб, ўрганилганда юқоридаги ҳолат аниқланган.

Маълумотга кўра, Республика бўйича жами 115 787 та юк ташувчи транспорт воситалари мавжуд бўлиб, 61 365 таси 2018 йилда техник кўрикдан ўтказилган ва созлиги ҳақида хулоса қилинган, 54 422 таси техник кўрикдан ўтмаган (кўрикдан ўтказиш бўйича ИИВга хат киритилган).

Хабарда қайд этилишича, мазкур транспорт воситаларининг тўлиқ рўйхати шакллантирилган ҳамда рўйхатдан ўтказиш бўйича ишчи гуруҳларга юборилган. Натижада дастлабки 20 кунда 3 939 тасининг фаолияти қонунийлаштирилган ва 1 млрд 930 млн сўм давлат божи ундирилган.

Manba: turon24. uz


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!