25 миллион евро ўғрилаган гуруҳ қўлга олинди

25 миллион евро ўғрилаган гуруҳ қўлга олинди

Испанияда пул маблағлари ўтказиш талаби ёзилган сохта мактублар жўнатиш орқали товламачилик билан шуғулланган жиноий гуруҳ қўлга олинди.

Испания, Франция, Германия, Италия, Мексика ва Хитойдаги компаниялар бу гуруҳнинг қурбонлари бўлган. Ўттиздан ортиқ товламачилик ҳолатлари аниқланган бўлиб, етказилган зарар 25 миллион евро деб баҳоланмоқда.
Ушбу иш доирасида Нигерия, Доминика, Венесуэла ва Испания фуқаролари бўлган ўн киши қўлга олинган.

Улар ўзларини компания раҳбари сифатида таништириб молия бўлинмалари ходимларига пул ўтказиш сўралган нигерияча мактублар жўнатишган.

Сохта ҳужжатлар асосида очилган ҳисоб рақамларига пул тушганидан сўнг улар пулларни нақдлаштиришган ёки ЕИ мамлакатларидаги ҳисоб рақамларига ўтказишган. Пуллар у ердан яна Испанияга қайтарилган ёки Нигерияга маҳсулот жўнатувчи компания ҳисоб рақамига ўтказилган.

Гуруҳ ушбу иш билан уч йил давомида шуғулланиб келганлиги аниқланган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!