2021 йилда каратэ спорт тури тарихда илк бор Олимпиада ўйинлари таркибига киритилган

2021 йилда каратэ спорт тури тарихда илк бор Олимпиада ўйинлари таркибига киритилган

Бу ҳақда Ўзбекистон каратэ Миллий федерацияси Ахборот хизмати хабар қилди:

«Бу йил Олимпиада йили ва каратэ спорт тури тарихда илк бор ушбу ўйинлар таркибига киритилган. Ҳозирда ўзбек каратэчилари Олимпиада лицезиясини олиш учун бор куч-ғайратлари билан ҳаракат қилмоқдалар. Рейтинг баллари бўйича терма жамоа аъзоси Достонбек Отаболаев Олимпиада рейтинг жадвалинг 11-поғонасидан жой олган. Яна 2 нафар спортчимиз кучли 20 таликда. Шунингдек, қўшимча тариқасида республикамизда кўплаб иқтидорли спортчилармиз бор.

Бундан ташқари, Президентимизнинг топшириғига биноан 2021 йилда Ўзбекистонда 20 га яқин ҳалқаро мусобақалар ўтказилиши доирасида жорий йилнинг сентябрь ойида Тошкент каратэ спорт турининг энг нуфузли Премьер-лига мусобақаларига мезбонлик қилади. Ушбу мусобақада 60 та давлатдан энг кучли каратэчилар иштирок этиши кутилмоқда. Ушбу мусобақалар давомида Жаҳон ва Осиё каратэ федерациялари билан музокалар олиб бориш мўлжалланган. Музокаларнинг мавзуси каратэ спорт турини Ўзбекистонда 2025 йилда ёшлар ўртасида бўлиб ўтиши мўлжалланаётган Осиё ўйинларидан ўрин олиш бўлади. 

Жорий йилдан бошлаб Ўзбекистон чемпионати ва Ўзбекистон кубоги мусобақаларининг ўтказилиш тартибларига ўзгартириш киритилади. Терма жамоа таркибини аниқлашда ҳам ўзгаришлар кўзда тутилган. 

2021 йилдан биз олдин анъанавий тарзда ташкил қилган Наврўз ва Мустақиллик кубоги мусобақаларини қайтадан ўтказишни режалаштирганмиз.
 
2021 йил Жаҳон каратэ федерациясининг тақвим режасига асосан, 5 та премьер-лига мусобақалари, 4 та ўсмирлар лигаси мусобақалари, октябрь ойида ўсмирлар ва катталар ўртасида Осиё чемпионати ва ноябрь ойида катталар ўртасида Жаҳон чемпионати ўтказилиши кўзда тутилган. Бу мусобақаларда юртимизга олтин, кумуш ва бронза медаллари билан қайтишни мақсад қилганмиз».


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!