2 ҳудудда катта миқдорда валюта қимматликларининг ноқонуний муомалага киритилишининг олди олинди

2 ҳудудда катта миқдорда валюта қимматликларининг ноқонуний муомалага киритилишининг олди олинди

Бош прокуратура ҳузуридаги Департаментнинг Жомбой туман бўлими томонидан ИИБ ва Миллий гвардия ходимлари билан ҳамкорликда ўтказилган тезкор тадбирда, Самарқанд шаҳар “Ўртахўжасоат” МФЙ ҳудудида валюта айирбошлаш билан шуғулланиб келган Н.М. жами 3 900 АҚШ долларини фуқаро Х.Н.га 44,8 млн сўмга сотган вақтида ашёвий далиллар билан ушланган.

Шу каби, Департаментнинг Фарғона шаҳар бўлими томонидан ўтказилган тезкор тадбирда, валюта айирбошлаш билан шуғулланиб келган М.У. фуқаро З.Ш.га жами 3 000 АҚШ долларини 34,2 млн сўмга сотишга келишиб, шундан 1 500 АҚШ долларини берган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!