(18+) “Пул бермагани учун шу ишни қилдим”

16 май куни Подмосковьянинг Сергиев-Посадск туманида бошсиз аёлнинг мурдаси топилди. Маълум қилинишича, унинг қўллари ҳам узиб олинган эди.

Россия оммавий ахборот воситаларининг хабар беришича, ўлдирилган аёлнинг жасади Назарьево қишлоғи яқинидаги буталар орасидан топилган.

Аёлнинг тана қолдиқларини ўша ердан ўтиб кетаётган йўловчи кўриб қолган ва милицияга хабар берган.

Полиция тезлик билан ваҳшийларча ўлдирилган аёлнинг кимлигини аниқлашга муваффақ бўлган. У оренбурглик, изсиз йўқолганлар рўйхатига киритилган аёл бўлиб чиққан.

Гумондор сифатида эса унинг ўгли ҳибсга олинди. Терговдан сўнг у ўз айбини тан олди ва онаси пул бермагани учун жаҳли чиқиб уни ўлдирганини ва танасини машинага солиб олиб кетганини айтиб берди.

Жиноят изларини беркитиш мақсадида онасининг боши ва қўлларини узиб ташлганини маълум қилди. Унга қарши жиноий иш қўзғатилган.