+18. АҚШда коронавирус: музлаткичга солинган жасадлар (ФОТО)
Нью-Йоркдаги шифохонада ишлайдиган ҳамшира BuzzFeed News муҳарририга коронавирус билан боғлиқ вазиятнинг жиддийлигини акс эттирган ҳаяжонли фотосуратни юборди. Сурат касаллик қурбонлари учун кўчма ўликхонага айлантирилган музлаткичда олинган, дея хабар беради "Insider". Аёл ўз исмини ва иш жойини ошкор қилмасликни сўради.
Ҳамширанинг айтишича, у тез ёрдамда ишлайди. У сменадан кейин уйга қайтганида суратга тушди. Аёл бу фотосурат ёрдамида коронавирусга енгил қарамаслик кераклигини одамларга етказишни истаётганини тан олди. Ўлганларнинг жасадлари сумкаларга солинади ва музлаткичга ётқизилади. Улардан бири 71 ёшли беморга тегишли бўлиб, унга ҳамшира бир кун олдин қараган.
Ҳамширанинг сўзларига кўра, кекса бемор бир ҳафта олдин коронавирусга чалинган. Уни уйига жўнатишган, аммо дам олиш кунлари нафас қисилишидан шикоят қилиб қайтиб келган. Эртаси куни эса вафот этган.
