12 ёшли Асалхон Юсупова "Jumeirah Sounds" халқаро танлов ғолиби бўлди

12 ёшли Асалхон Юсупова "Jumeirah Sounds" халқаро танлов ғолиби бўлди

Рейнгольд Морицевич Глиэр номидаги Республика мусиқага ихтисослаштирилган академик лицейининг 12 ёшли ўқувчиси Асалхон Юсупова скрипка ижроси бўйича Дубайда ўтказилган Болалар ва ўсмирлар Халқаро мусиқа ижрочиларининг танлови "Jumeirah Sounds"нинг гран-присига эга бўлди.

Танлов олти ёшдан йигирма ёшгача бўлган ижодкорлар ўртасида ўтказилиб, унда хонандалар, хор, хореограф, дизайнер, рассомлар иштирок этишди. Бу ҳақда ЎзА хабар бермоқда.

Танлов ташкилотчилари Дубай мусиқа академияси ва Айман Мусохўжаев номидаги Остона мусиқа академиясидир. Танлов 2 ноябрдан 7 ноябргача бўлиб, унинг ғолиблари 8 ноябрда эълон қилинди.

Асал Юсупова Италия, Франция, Қозоғистон ва Ўзбекистонда ўтказилган танловларда қатнашиб асосий мукофотларни қўлга киритган.

Бўлимга тегишли қизиқарли хабарлар


Фикр билдириш учун қайдномадан ўтишингиз сўралади, ва телефон ракамни тасдиклаш керак булади!