11 сентябрдаги терактдан омон қолган америкалик, барибир, ўлди
Найробидаги меҳмонхонага уюштирилган ҳужум натижасида қурбон бўлганлардан бир 2001 йил 11 сентябрда Нью-Йоркдаги эгизак минораларга уюштирилган террорчилик ҳужумидан омон қолган америкалик тадбиркор эди.
Энг даҳшатлиси, Жейсон Спиндлер туғилган кунида вафот этди. Бу ҳақда The Sun хабар бермоқда.
АҚШ фуқароси беш йил олдин Кенияга кўчиб келганди ва ўлими куни 15 январда 41 ёшга тўлганди.
Спиндлер тўртта қуролли жангарлар бинога кириб келганларида меҳмонхонанинг ресторанида овқатланаётган бўлган.
Сомалидаги Ал-Шабаб террористик гуруҳи Найробидаги меҳмонхона ва офис комплексига қилинган ҳужум учун масъулиятни ўз зиммасига олди. Сўнгги маълумотларга кўра, террористик ҳужум натижасида 21 киши ҳалок бўлган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
