100 кунлик урушда Россия нефт ва газ учун деярли 100 миллиард доллар даромад олди

Украинадаги урушнинг дастлабки 100 кунида Россия энергия экспортидан 98 миллиард доллар даромад олди. Етказиб беришнинг асосий қисми Европа Иттифоқи мамлакатларига амалга оширилди. Финляндиянинг энергия ва тоза ҳаво маркази душанба куни эълон қилган ҳисоботида шундай хулосалар келтирилган.

Тадқиқот натижаларига кўра, Европа Иттифоқи Россия экспортининг 61 фоизини ташкил этди, бу пул билан ифодаланганда 60 миллиард доллардир. Асосий истеъмолчи давлатлар Германия (12,1 млрд. тўланган) ва Италия (7,8 млрд).

Россия нефт ва газининг Европа Иттифоқидан ташқаридаги асосий импортчиси Хитойдир (12,6 миллиард доллар).

Июнь ойи бошида Европа Иттифоқи Россиядан нефт импортини деярли бутунлай тўхтатишга рози бўлди ва Европанинг Россия энергия ресурсларига қаттиқ қарамлигига қарамай, жорий йил охиригача Россия газини истеъмол қилишни учдан икки қисмга қисқартиришга тайёрлигини маълум қилди.