Энг кўп буюртма берилган коронавирусга қарши вакцина номи маълум қилинди

Энг кўп буюртма берилган коронавирусга қарши вакцина номи маълум қилинди

Британиянинг AstraZeneca ишлаб чиқаётган коронавирусга қарши вакцина энг харидоргир вакцина ҳисобланади.

Бу ҳақда Bloomberg агентлиги ёзмоқда.

Агентликнинг маълумот беришича, AstraZeneca вакцинаси сотувининг 40 фоизи ёки 2,4 млрд дозаси ўртача ва паст даромадли мамлакатларга тўғри келади. АҚШ ушбу компаниянинг 300 млн, Европа мамлакатлари эса 505,3 млн доза вакцинасига буюртма берган.

Қайд этилишича, талаб юқорилигига компания вакцинасининг арзонлиги сабаб бўлган. AstraZeneca пандемия даврида вакцинадан фойда олиш ниятида эмаслигини ва унинг бир дозаси учун 4-5 доллар нарх белгилашини билдирган. Таққослаш учун: Pfizer вакцинаси 19,5, Moderna вакцинаси эса 32-37 доллар атрофида бўлади.

Бундан ташқари, деб ёзади агентлик, AstraZeneca вакцинаси яна бир устунликка эга. Уни оддий музлаткичда ҳам сақлаш мумкин. Pfizer ва Moderna вакциналарини сақлаш учун эса анча паст ҳарорат талаб қилинади. Масалан, Pfizer вакцинаси минус 70 даража ҳароратда сақланиши лозим.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!