Сентябрь рекорди: Францияда 33.3 даража иссиқ ҳаво қайд этилди

Франциянинг 30та метеорологик хизматлари ўртача 33.3 даража иссиқ ҳавони қайд этди. Охирги марта сентябрь ойи учун бундай юқори кўрсаткич 1949 йилда қайд этилган бўлиб, ўшанда ҳаво ҳарорати 32.6 даражани кўрсатган.

Париж ва Лилльда рекорд янгиланди, мамлакат ғарбида ҳаво 38 даражагача исиди.

“Жорий йилда ёз фасли иссиқ бўлди. Бу кейинги ёз олдингисидан ҳам иссиқроқ бўлишини билдирмайди. Аммо умумий тенденция маълум: бундан кейин ёз биз кўникканимиздан иссиқ бўлади” дейди синоптик Себастьян Леас.