Ҳиндистонда 300 миллиондан ортиқ одам яна карантинга олинди

Ҳиндистонда бир неча юз миллион одам яна карантинга олинди.

Мамлакатда инфекциялар сони кескин ўсиб бормоқда, дея хабар беради “The Times”  нашри.

Таъкидланишича, ҳаммаси бўлиб, 375 миллиондан ортиқ одам карантинга олинади: баъзи шаҳар ва штатлар яна пандемияга қарши кураш чораларини кўришмоқда.

“Daily Mail” ҳукумат ҳаракатлари касалликнинг кескин ошишига сабаб бўлган деб ҳисобламоқда: июнь ойи бошларида мамлакатда чекловлар аста-секин олиб ташланди.

Ҳиндистон инфекцияни юқтириш ҳолатлари бўйича дунёда учинчи ўринда туради - сўнгги маълумотларга кўра, 906,8 мингдан ошиқ одам хасталикни юқтирган, 24,3 минг киши вафот этган.