Бектемир туманида скутерни олиб қочган шахсларни аниқланди

13 июнь куни соат 23.00 дан 23.10 гача бўлган вақт ичида номаълум шахс Бектемир тумани Ж. Тошкандий кўчасида қаровсиз қолдирилган Lifan русумли нархи 9 миллион сўм бўлган мотоскутерни ўғирлаб кетган. Мотоскутер эгаси 42 ёшли Эдгар А. ички ишлар органларига ариза билан мурожаат қилди.

Мазкур факт асосида Ўзбекистон Республикаси Жиноят кодексининг 169 моддаси бўйича жиноий иш қўзғатилди. Олиб борилган тезкор-тергов тадбирлари давомида гумонланувчиларнинг шахслари аниқланди: улар 33 ёшли Джафер Ю. ва 21 ёшли Анастасия С. эканликлари маълум бўлди. Гумонланувчилар қўлга олинди. Тергов давом этмоқда, дейилади "iibb.uz" хабарида.