"Zo'r TV" telekanali hududida noma’lum shaxslar portlovchi modda o‘rnatayotgani haqida xabar tarqaldi

Joriy yilning 6 iyul kuni soat 08.56 da Toshkent shahar IIBB navbatchilik qismiga Yashnobod tumanidagi “Zo'r TV” telekanali joylashgan hududda 2 nafar noma’lum shaxs portlovchi modda o‘rnatayotganligi haqida xabar kelib tushgan.

Mazkur xabar asosida zudlik bilan Toshkent shahar IIBB xodimlari va boshqa mutaxassislar voqea joyiga yetib bordi. Hudud o‘rganilganda portlovchi yoki hayot uchun xavfli bo‘lgan boshqa moddalar aniqlanmadi, xabar o‘z tasdig‘ini topmadi, xavotirga asos yo‘q. Hozirda “Zo‘r TV” telekanali o‘z ish faoliyatini doimgidek olib bormoqda. Holat yuzasidan surishtiruv ishlari davom ettirilmoqda.