Zelenskiy Rossiya bilan energetika va g‘alla masalalarida murosa qilishga tayyorligini aytdi

Ukraina prezidenti bu haqda jurnalistlar bilan suhbatda ma’lum qildi.

"G‘alla, energetika — Ukraina va Rossiya uchun og‘riqli masalalar. Bugungi kunda ular butun dunyo, jumladan, Hindiston, BAA, Saudiya Arabistoni, Misr va ko‘plab boshqa davlatlar uchun ham muhim masaladir. Biz murosaga borishga tayyormiz", — dedi Ukraina rahbari.

Zelenskiy buni muhokama qilishda har ikki tomonning harakatlarini inobatga olish zarurligini ta’kidladi. Uning so‘zlariga ko‘ra, Ukraina allaqachon ko‘plab murosalarga borgan va bu yo‘nalishda qadam tashlayotgan yagona tomon bo‘lib qolmasligi kerak.

Ukraina prezidenti keyingi qadamlar nafaqat Kiyevning yechim izlashga tayyorligi, balki Moskva tomonidan ham tegishli qadamlar tashlanishiga bog‘liqligini bildirdi.