Yo‘lovchiga qo‘pol munosabatda bo‘lgan avtobus haydovchisi vaqtincha vazifasidan chetlatildi

Ijtimoiy tarmoqlarda avtobus haydovchisi "oraliq bekatda ko‘p turib qolgani" uchun e’tiroz bildirgan yo‘lovchi ayolga nisbatan qo‘pollik qilgani aks etgan voqea tarqalgan edi.

✔️ Ma’lum bo‘lishicha (https://t.me/tshtxuz/2461), ushbu avtobus davlat raqami 01/035QBA bo‘lgan, 155-sonli yo‘nalishda harakatlangan. Avtobus haydovchisi — O.SH.

🔰Haydovchi o‘z xizmat vazifasi davomida yo‘lovchini haqoratlagani, yo‘nalishda uyali aloqa vositasidan foydalangani va tibbiy niqob taqmagani uchun vaqtincha vazifasidan chetlatilgan. Voqeaga aniqlik kiritilgandan so‘ng uning haydovchilikka loyiqlik masalasi ko‘rib chiqiladi.

⚠️ Yuqoridagi kabi holatlar kuzatilgan taqdirda "Toshshahartransxizmat" Aksiyadorlik jamiyatining 1062 ishonch raqamiga va info@tashbus.uz orqali murojaat qilish mumkin.