Xitoyda olimlar dengiz suvidan uran ajratib olishni o‘rganishdi

Ular buni AQSh Energetika vazirligi belgilagan maqsadli ko‘rsatkichdan ham yuqori samaradorlikda amalga oshirib, yadroviy yoqilg‘i sifatidagi okean zaxiralarini o‘zlashtirish bo‘yicha global poygada Xitoyni yetakchilar qatoriga olib chiqdi. Olimlar kimyoviy «tuzoq» vazifasini bajaradigan maxsus material yaratdi. Tadqiqotchilar tabiiy dengiz suvidan bir gramm adsorbent hisobiga 50,4 mg gacha uran ajratib olishga erishdi. Bu ko‘rsatkich AQShning bir gramm uchun 6 mglik maqsadidan 8 baravar yuqori. Ta’kidlanishicha, bu texnologiya Xitoy uchun ayniqsa muhim, chunki mamlakat uranni o‘zi qazib chiqarayotganidan ancha ko‘p miqdorda iste’mol qiladi.