Xitoyda mahalliy aholi yana norozilik namoyishlariga chiqdi

Xitoyning Urumchi shahrida ko‘p qavatli uydagi yong‘in 44 kishining hayotiga zomin bo‘lganidan keyin mahalliy aholi norozilik namoyishlariga chiqdi. Kovid cheklovlari tufayli uyning eshiklari tashqaridan qulflangan edi.

Lanchjou, Chjenchjou va boshqa shaharlarda ham namoyishlar o‘tkazildi. Odamlar cheklovlarni yumshatishni, savdo markazlari, maktab va restoranlarni ochishni hamda kovid markazlari qurishni to‘xtatishni talab qilmoqda. Hukumat, o‘z navbatida, norozilikni bostirish uchun shaharlarga harbiy texnikalar kiritgan.