XAMAS Isroilning tinch aholisini o‘ldirish va ularning uylarini yoqib yuborishni rejalashtirganmidi?

Isroil harbiy kuchlari G‘azo sektoridagi yer osti bunkerida 2023 yil 7 oktyabrda Isroilga hujum qiladigan jangarilar uchun ko‘rsatmalarni o‘z ichiga olgan olti sahifali, qo‘lda yozilgan arabcha matndan iborat kompyuterni topdi.

Bu haqda The New York Times nashri xabar bermoqda.

Etti nafar isroillik rasmiyning so‘zlariga ko‘ra, 2022 yil avgustdagi ushbu hujjat Falastinning XAMAS harakatining sobiq rahbari Yahyo Sinvar tomonidan yozilgan.

"Bu mohiyatan jangarilar uchun ko‘rsatma: askarlarga va tinch aholiga hujum qilish, isroilliklarda qo‘rquv uyg‘otish va mamlakatni beqarorlashtirish uchun zo‘ravonlik harakatlarini translyasiya qilish", deb ta’kidlaydi nashr.

Kompyuterda topilgan ma’lumotlarda ham qo‘mondonlik mansabdor shaxslari "uylarga o‘t qo‘yish" to‘g‘risida to‘g‘ridan-to‘g‘ri buyruq berib, "Men butun kibbutz yonishini xohlayman" deb e’lon qilganini ko‘rsatadi. Jabalyadagi boshqa bir qo‘mondon: "Ko‘rganlaringning hammasini o‘tga qo‘y", deydi.

Isroil rasmiylarining da’vo qilishicha, hujjat Sinvar o‘z jangchilari boshidanoq tinch aholiga hujum qilishni maqsad qilganini ko‘rsatadi, bu guruh rahbariyatining ommaviy bayonotlariga zid keladi.

Matnda tinch aholini o‘g‘irlash yoki o‘ldirish rejalari aniq aytilmagan bo‘lsa-da, jangchilarga turar-joy hududlariga kirib, ularni “tankerdan benzin yoki dizel yoqilg‘isi” bilan yoqib yuborishni buyuradi.

Isroil polisiyasining qo‘l yozuvi bo‘yicha mutaxassisi eslatmaning haqiqiyligini Sinvar tomonidan yozilgan boshqa hujjatlar bilan solishtirib tasdiqladi. XAMASning Qatardagi vakili topilma haqida izoh berishdan bosh tortdi.