Wildberries ayrim omborlarini O‘zbekistonga ko‘chirishi mumkin

Rossiyaning yirik marketpleysi Wildberries uzoq muddat saqlanadigan mahsulotlarning bir qismini Belarus, Qozog‘iston va O‘zbekistondagi omborlarga yo‘naltirishni rejalashtirmoqda.

Nashrning yozishicha, kompaniya mazkur davlatlarda allaqachon o‘zining va ijaraga olingan logistika omborlariga ega bo‘lib, tovarlarni xorijdagi logistika markazlariga ko‘chirishni boshlagan.

Hozircha bu o‘zgarishlar mahsulot narxi, yetkazib berish muddati va logistika xarajatlariga qanday ta’sir qilishi ma’lum qilinmagan.